ܓܨܓ اتعبتني في البعد احبك وانت جافيني ܓܨܓ
أتعبتني في البعد أحبك وإنت جافيني
وتعبت أبي أجفاك أنا في عز حبي لك
تخطي علي لين أحس إنك طحت من عيني
ويرفعك دمع للسماح أختار منديلك
أزعل وشف قلب الرضا جا بينك وبيني
ما شفت أغرب من خطاك يرد قلبي لك
تغيب وأسأل وين أنا مدري أنا ويني
أثرى من الحزن أكثري بالوهم ماشي لك
غصب علي ماهو رضا تاهت عناويني
مني وكلي هارب برضاي مني لك
بسألك باللي كاتبك فيني وملغيني
ما ودي أشكي منك لكن ودي أشكيلك
معقوله إنك إنت يا الطف من رأت عيني
قادر تفرقني شتات ولا اقدر أمشي لك
ما دمت قادر بالجفا تاخذني بيديني
علمني كيف اترك يدك في عز حبي لك
